Një i ri nga Britania e Madhe, i cili kishte udhëtuar drejt Turqisë së bashku me të dashurën e tij, është vrarë nga kjo e fundit.
Mary Meyers Kayley, 31 vjeçe, shtyu nga ballkoni i hotelit partnerin e saj pas një konflikti dhe përleshjeje në dhomën e tyre të hotelit.
Reece Pegram vdiq në vend.
Në gjykatën e qytetit Manavgat u tha se policia pas ngjarjes kishte gjetur gjurmë gjaku edhe në muret e dhomës, ndërsa stafi i hotelit raportonte se çifti kishin konsumuar shumë pije alkoolike në orët para incidentit. Gjurmë kokaine u gjetën gjithashtu në trupin e Pegram gjatë ekzaminimeve.
E akuzuara pretendonte se një ditë para vdekjes, i dashuri kishte kërcënuar se do të hidhej nga ballkoni.
Por gjykata refuzoi pretendimet e saj dhe urdhëroi që ajo të kryejë një kontroll të shëndetit mendor.
Prokurorët thonë se Kayley vrau të dashurin e saj dhe kanë kërkuar burgim të përjetshëm, që sipas ligjit në Turqi është prej një minimumi me 24 vjet prapa hekurave.