Presidenti i Turqisë, Recep Tayyip Erdogan do të realizojë të hënën një bisedë telefonike me Vladimir Putin dhe Volodymyr Zelenskyy.
Zhvillimin e telefonatës me homologët e ka bërë të ditur vetë udhëheqësi turk, në kanalin televiziv NTV, pas kthimit të tij nga një udhëtim në Azerbajxhan.
“Ne ëndërrojmë që kjo luftë midis Rusisë dhe Ukrainës të përfundojë në paqe sa më shpejt të jetë e mundur, por duket se ngjarjet po zhvillohen negativisht çdo ditë që kalon. Të hënën do të kem biseda telefonike si me presidentin e Rusisë dhe Presidentin e Ukrainës Ne do të vazhdojmë t’u bëjmë thirrje palëve që të përdorin kanalet e dialogut dhe diplomacisë”, theksoi mes të tjerash Erdogan.