Koreografja Klaudia Pepa dhe kostumografi Niko Komani, kanë folur për herë të parë mbi situatën e shumëpërfolur në media të heqjes së fotove të Ronelës nga faqja zyrtare e “Eurovision”.
Në një intervistë për “Sot”, Niko Komani, tha se performanca e Ronelës është pritur mirë në Itali.
“Unë mendoj se është bërë më e madhe seç është, por impakti këtej është shumë i mirë. Madje kënga e Ronelës dëgjohet edhe nëpër klubet e natës në Torino. E ndalin Ronelën në rrugë për autograf”, tha Niko Komani.
Ndërsa Klaudia Pepa pohoi se kënga pëlqehet shumë, po aq sa vetë Ronela si personazh, dhe mbi të gjitha theksoi se koreografia nuk do të ndryshohet.
Pepa zbuloi se do të jetë pjesë edhe vetë në performancën në skenë.
