Mbrëmjen e djeshme u organizua kompeticioni i bukurisë shqiptare “Miss Shqipëria”, në Kalanë e Shanishasë në Libohovës. Fituese e këtij konkursi bukurie u shpall Klea Bushi, e cila mban tani kuroren e “Miss Shqipëria 2019”.
Ky eveniment i rëndësishëm bukurie nën drejtimin e Arjola Shehut dhe me regjizor Petri Bozo ka qenë plot surpriza.
Në skenën u ngjitën edhe motrat Irma dhe Eranda Libohova, Devis Xherahu dhe Rovena Dilo, madje këndoi këngë edhe juristja Eni Cobani, e cila ishte njëkohësisht kryetarja e jurisë që përzgjodhi vajzën më të bukur.
Ajo që shpalosi emrin e fitueses së kurorës madhështore ishte juristja Eni Çobani.
Kujtojmë Miss Shqipëria 2018 ka qenë bukuroshja Alba Bajrami, e cila mes emocionesh dhe lotësh i ka dorëzuar kurorën Klea Bushit. Ndërsa “Miss Buzëqeshja” u shpall Arta Çelaj. Marjana Çobani u shpall “Miss Social Media”.