Duke folur për protestën që pritet të mbahet ditën e nesërme nga opozita, Klevis Balliu deklaroi se ky revolucion që mund të shoqërohet me mosbindje civile, do të vijojë deri në largimin e kryeministrit Edi Rama.
“Revolucioni s’mund të ketë afat mbarimi, ora e mbylljes është kur Edi Rama jep dorëheqjen. Unë e pres që sot dorëheqjen e tij, ai bën mirë të japë dorëheqjen. Qytetarët do ta gjejnë në çdo vrimë që ai fshihet. Refuzoj ta quaj protestë, kjo është revoltë”, u shpreh ish-deputeti demokrat.
Protesta pritet të nisë të shtunën në orën 12:00 dhe pjesëmarrësit do të grumbullohen në tre sheshe, për t’u bashkuar më pas te Bulevardi Dëshmorët e Kombit, përballë Kryeministrisë.