Sot në emisionin “Rudina” kanë qenë të ftuar dy personazhe shumë të njohur në Kosovë, njëri prej të cilëve është në klipin e këngëtarit.
Bëhet fjalë për Blerina Kllokoqi Rugova dhe Petrit Kllokoqin, motër e vëlla. Ai është një biznesmen i suksesshëm në Kosovë, por që u bë shumë i njohur dhe në Shqipëri me dedikimin që i bëri bashkëshortes për dasmë.
Historia e tij e dashurisë me Erza Pecin ka nisur para 4 vitesh. Propozimi për martesë ishte tejet i veçantë dhe ai u bë në Afrikë, në 24 shkurt 2018, ndërsa në shtator të këtij viti ata u martuan.
Pamjet e dasmës së tij u bënë pjesë të klipit dhe kjo ishte e gjitha ideja e Florit:
“U bëmë pjesë e një videoklipi shumë të bukur, mirëpo më e bukura e gjithë videoklipit ishte se nuk e kishim përgatitur për videoklip. Ishte gjithçka reale, një ngjarje reale, unë veproja ashtu, kërceja ashtu, e dashuroja vërtet ashtu. Dhe të gjitha këto u përmblodhën, ishte një ide e Florit që të bëhej videoklip dhe më pëlqeu shumë edhe mua”.