Kampioni i botës në boksin profesionist, Vitali Klitschko, ka falënderuar Kosovën dhe Shqipërinë për mbështetjen që kanë dhënë.
Kryetari i Kievit, i cili qëndroi në qytetin Davos, foli për median zvicerane “Le Canton27.ch”, ku e bëri një paralele të luftës që e kishte përjetuar Kosova me atë që po zhvillohet tash në Ukrainë.
“Ne kemi dëgjuar se ju shqiptarët, njësoj si ne ukrainasit, njerëz të paqes, që e duan lirinë, e kemi një histori të njëjtë. Sot ne po luftojmë kundër regjimit rus, i cili po mundohet ta pushtojë Ukrainën, njësoj si ju një kohë që ishit të okupuar nga Serbia. Ne do të jemi të lirë dhe të çliruar, njësoj si ju. Faleminderit Kosovë, faleminderit shqiptarë”, ka thënë Klitschko.
Dhe, këto deklarata të ish-boksierit ukrainas kanë shkaktuar reagime te mediat serbe, të cilat kanë mbetur të befasuara.