Autoritetet franceze kanë miratuar të hënën masa të reja dhe më të rrepta kundër koronavirusit, duke përfshirë mbylljen e klubeve të natës për katër javë.
“Diskotekat do të mbyllen për katër javë, deri në fillim të janarit”, tha kryeministri Jean Castex, i cili u bëri thirrje francezëve të reduktojnë kontaktet sociale.
Castex tha se personat mbi 65-vjeç do të mund të marrin dozën e tretë të vaksinës dhe shtoi se qeveria po planifikon vaksinimin për fëmijët e moshës pesë deri në 11-vjeç.
Numri i të infektuarve është në rritje për shkak të llojit delta të koronavirusit dhe të dielën janë regjistruar 42.252 persona të infektuar.