Zëvendësministri i Mbrojtjes, Petro Koçi, tha se në banesat e dëmtuara më 21 shtator në Korçë do të ketë ndërhyrje radikale, ndërsa për të tjerat kompensim në bazë të ligjeve në fuqi.
Koçi nënvizoi se: “Ashtu si në Korçë, për banesat e dëmtuara rëndë do të ketë një ndërhyrje më radikale, ndërsa për të tjerat do të ketë një kompensim sipas ligjit dhe vendimeve përkatëse të qeverisë”.
Ai shtoi se deri tani kanë ardhur mesazhe solidariteti nga vende partnere dhe BE, e cili ka një mekanizëm të mbrojtjes civile. Derisa ka një gatishmëri kjo do të ndodhë. Por jo vetëm BE, por edhe vende të veçanta si Italia që mund të japin një ndihmë të drejtëpërdrejtë në përputhje me nevojat dhe kërkesat e qeverisë shqiptare.
Numri dy i Ministrisë së Mbrojtjes foli për rreth 1000 ndërtesa të dëmtuara. “Jemi duke marrë shifat dhe faktet paraprake.Dëmet janë të mëdha në banesa. Deri tani janë rreth 1000 ndërtesa, përfshi banesa të vogla, por edhe më të mëdha si pallate. Gjendja e emergjencës së shpallur sipas ligjit është kur me strukturat të cilat përgjigjen për të përballuar këto lloj emergjencash nuk ja arrin dot”, nënvizoi Koçi.