Gazetari Bledian Koka tha se ish-kryeparlamentarja Jozefina Topalli është drejt rikthimit në PD-në aktuale. Për “Politiko”, gazetari tregoi se Topalli ka çregjistruar partinë e saj dhe është gati të rikthehet në parti. Koka u shpreh pro rikthimit në parti edhe të Astrit Patozit. Gazetari e konsideroi si të parin që ka kërkuar korrigjimin e partisë dhe që tashmë ka ndodhur.
“Në dijeninë time, zonja Topalli është drejt rikthimit në parti. E ka çregjistruar partinë e saj dhe është drejt rikthimit. Do të doja që Topalli të jetë në kryesinë vendimmarrëse të PD. Patozi duhet të rikthehet sepse ka qenë i pari, një organizëm politik që kërkonte korrigjimin e saj. Dhe ndodhi në fund fare. Patozi duhet të kthehet. PD ka vend për ata që kanë ikur dhe për shumë të rinj”, tha Koka.