Aktivistja Evi Kokalari i ka bërë thirrje Sali Berishës që të prishë koalicionin me Partinë e Lirisë, nëse vërtet do të fitojë atë që ai e quan “revolucion”.
Kokalari ka renditur përmes një postim në “Facebook” hapat që sipas saj do të sillnin fitoren e Berishës.
Ndër të tjera, ajo shkruan se koha e revolucioneve të dhunshme, ndaj “këshillon” kreun e PD-së që mos të tallet me demokratët, pasi dhuna nuk është përgjigje.
“Nëse Berisha vërtet do ta fitojë këtë ’revolucion’, ai duhet të:
1- Prish koalicionin me LSI
2- Penalizojë manipuluesit dhe hajdutet brenda PD, dhe kur këta janë njerëzit e tij më të besuar
3- Hap partinë dhe hap rrugën për meritokracinë e vërtet duke garantuar garë të barabartë për të gjithë kandidatët
4- Trego që interesin e Shqiptarëve e ka prioritet, mbi interesin personal
5- Kërko zgjedhje parlamentare të parakohshme
Ka ikur koha e revolucionit me dhunë. Në radhë të parë merr votën e elektoratit. Sigurisht Rama vodhi vota ne 2021, por Luli do kishte fituar po mos kishte pazare apo presione me dosjen e FBI. Dhuna nuk është përgjigje. Boll u tallët me demokratët. Berisha ka këshilltar shumë të dobët rreth vetes, të cilët i hapën gropën me budallallëkun dhe injorancën e tyre. Kjo është fatkeqësi sepse Berisha po ta kishte luajtur drejt kësaj rradhe, do kishte shumë mbështetje sot”, shkruan Kokalari.