Teksa po qëndron e izoluar në shtëpinë e saj për shkak të pandemisë Covid-19, moderatorja Fjoralba Ponari ka qenë tepër aktive në llogarinë e saj në Instagram.
Ajo ka qëndruar në kontakt me ndjekësit dhe përveçse është futur herë pas here në video live, ka zhvilluar gjithashtu “mini-intervista” në InstaStory.
Së fundmi, moderatorja ka ndarë me ndjekësit e saj një situatë të sikletshme që i ka ndodhur në punë, pasi kolegu dhe miku i saj prej kohësh i ka shprehur hapur dashurinë.
Për më tepër, personi në fjalë kishte familje, ndaj Fjoralba “i ka treguar vendin” me përgjigjen e saj.
“Si do të reagoje ti ndaj një kolegu që pas shumë kohë miqësie shpreh ndjenjat, ndërkohë që është me familje.”- e pyet dikush.
“Jam ndodhur në të njëjtën situatë të sikletshme dhe i kam thënë t’i mbledhë pëllumbat nga i ka shpërndarë e t’i vërë kyçin kafazit.”- është përgjigjur moderatorja, pa treguar më tepër detaje rreth kësaj historie.
Fjoralba përpiqet ta mbajë sa më hermetike jetën e saj private dhe të rralla janë herët kur ajo vendos të hapet me publikun për çështjet personale të jetës së saj.
