Kolgega: Nikolla, një zonjë fisnike

Zëvendësministri i Arsimit Shpati Kolegega ka shprehur vlerësimin e tij maksimal pas lirimit  nga detyra të “shefes” së tij, madje thotë se Lindita Nikolla ka shumë për të dhënë në Partinë Socialiste, në detyrat e reja që mund t’i ngarkohen. Në rrjetin social Facebook Kolegega shprehet: “Jam shumë krenar dhe mirënjohës që për më shumë se një vit pata fatin të punoja nga afër me Lindita Nikollën, mbështetëse e fortë, në çdo hap dhe model i përkushtimit, çdo ditë.
Punë shumë dhe fjalë sa duhet, si një zonjë fisnike, e cila mendoi gjithmonë të bënte punë të vërteta, shumë shpesh dhe pa zhurmë, por me zemër dhe dashuri të madhe. Jam i bindur se ka shumë për të dhënë në politikë, për Shqipërinë, për Partinë Socialiste. Një shembull që frymëzon me thjeshtësinë e saj perfekte dhe mençurinë e thellë”!