Koloneli i njohur Myslim Pashaj, që denoncoi marrëveshjen e ndarjes së kufirit detar Shqipëri-Greqi në vitin 2009, e cila më pas u rrëzua nga Gjykata Kushtetuese, ka thënë se vendimi i kryeministrit Edi Rama dhe ministrit të Jashtëm grek Nikos Dendias për ta çuar çështjen në Gjykatën e Hagës ishte i gabuar.
Gjatë një prononcimi për mediat, kolonel Pasha deklaroi gjatë një prononcimi për mediat ditën e djeshme se caktimi i kufirit detar nuk mund t’i besohet vetëm kryeministrit Rama, ndërsa theksoi se institucionet përgjegjëse që paguhen nga taksapaguesit janë inekzistente. Sipas tij, pala shqiptare duhet të kishte hedhur poshtë përpjekjen greke për zgjerimin me 12 milje në det, pasi siç thotë koloneli i njohur, kompasi nuk mund të vendoset për Greqinë në një shkëmb në det dhe për Shqipërinë në tokë kontinentale.
Madje, ai fajëson palën shqiptare për ngërçin e tejzgjatur. “Kryeministri i Shqipërisë tha që Greqia ka të drejtën ndërkombëtare detare të zgjasë dhe zgjerojë ujërat territoriale në 12 milje. Por institucionet shqiptare nuk duhet ta linin bosh kryeministrin e tyre, por kishin përgatitur punimet e tyre studimore ku i thuhej: do të zgjerohej Greqia në 12 milje detare, por atje ku e lejon gjeografia. Pra ju mund të shikoni se problemet janë ende të pazgjidhura. Ne nuk jemi në kufi me Greqinë kontinentale, por me Greqinë ishullore. Si është e mundur që të vlerësohen në mënyrë të barabartë një ishull apo një shkëmb që duket se ka mbirë nga dheu njëlloj me tokën kontinentale që është gadishulli i Karaburunit”, deklaroi ai.
Pakti i detit me Greqinë, Kolonel Pashaj jep detaje
Më herët gjatë një prononcimi për mediat, koloneli Myslim Pashaj ka deklaruar se Barketa për Greqinë nuk përbën problem dhe se po përdoret si karrem që ta përdor si tokë, në mënyrë që të kafshojë kufirin shqiptar, duke u zgjeruar. Madje, kolonel Pashaj thotë se Barketa nuk është ishull, është cekin shkëmbor, në baticë-zbaticë zhytet dhe mezi duket dhe sipas tij ajo nuk i përket Greqisë. “Tabloja e 2 vendeve bie në sy menjëherë. Sepse ne nuk jemi përballë një shteti që është tokë por jemi me një pjesë ishullore, përballë Karaburunit. Ne jemi mbizotërues ndaj hapësirës detare. Dhe ligji i detit thotë se toka zotëron ujin. Barketa u bë një strumbullar, sikur të jetë e perëndishme është në mes të kanalit të Korfuzit, 1937 është në krahun e Greqisë 1900 metra në krah të Korfuzit. Ne ia kemi bërë vetvetes. Këtu u fol për efektet e ishujve. Në gjykatën e Hagës do të jetë pikërisht kjo. Efektet e ishujve. Barketa nuk është ishull, është cekin shkëmbor, në baticë-zbaticë zhytet dhe mezi duket. Efektet gjeografike në krahasim me Korfuzin janë shumë të larta. Kujt i takon ky shkëmb. Shqipërisë apo Greqisë. Ashtu ka qenë situata e të gjithë ishujve dhe arkipelagut. Nuk ka pasur mundësi që të përcaktohej se kujt i takonte ky. Shkëmbi Barketa i takon Greqisë u tha. Kjo është e padrejtë sepse s’ka dokumenta”, nënvizoi kolonel Myslim Pashaj.