Kombëtarja shqiptare ka nisur grumbullin prej disa ditësh në kompleksin “Tropikal” në Durrës aty ku fillimisht janë ftuar disa futbollistë dhe më pas u publikua lista zyrtare nga trajneri Edi Reja. Prej më shumë se dy javësh, kuqezinjtë kanë qëndruar në kompleksin tropikal ndërkohë që sot do të largohen.
Ekipi kombëtar do të grumbullohet në Frankfurt aty ku do të nisë zyrtarisht përgatitjet anti-Islandë. Të besuarit e Edi Rejës do të kenë mundësi të stërviten në kushte më komode me një mot afërisht si ai i Islandës në mënyrë që të mos e kenë të vështirë ambientimin në vendin ishullor.
Kuqezinjtë do të qëndrojnë në Frankfurt deri në datën 6 qershor kur më pas do të udhëtojë në drejtim të Rejkjavikut. Stërvitjen e parë në tokën gjermane, kuqezinjtë e zhvillojnë sot në orën 17:00.