Bashkë me Ledian Memushajn në konferencën e zakonshme për shtyp ka qenë edhe Migjen Basha. Ai foli për problemet e shfaqura kohët e fundit në kombëtare, nga Strakosha e deri te Lenjani. Gjithashtu mesfushori përcaktoi edhe pritshmëritë që ka grupi.
“Të gjithë lojtarët e 2016-ës janë problem pasi shumica kanë lënë futbollin por edhe mosha ka pasur ndryshume. Është atmosferë e mirë dhe nuk ka pasur probleme me përgatitjet. Ndeshja e parë është me rëndësi. Në 2016-ën fituan në Portugali dhe gjithçka shkoi mirë. Duhet patjetër fitore pasi kemi një kundërshtar të fortë”, komentoi fillimisht Basha.
“Në miqësore trajneri ka vendosur të provojë lojtarë të rinj dhe kjo është normale. Jemi lojtarë që po ikim dhe duhen rinovime. Në Ligën e Kombeve e nisëm mirë me fitore dhe më pas kishin humbje. Në Izrael nuk merituam të humbisnim nga rastet, por edhe ndaj Skocisë u mbyll keq dhe kartoni i kuq ndryshoi gjithçka. Kur shikon 4-0 fillojnë kritikat. Në këtë edicion presim shumë. Shanse kanë të gjithë. Futbolli ka ndryshuar”
Lenjani dhe Strakosha
“Ka marrë vendimin e vet. Për sa i përket Strakoshës është çështje disiplinore, ishte gabim dhe trajneri mori vendimin”
Konkurenca
“Abrashi luan në Frejburg, Kaçe po luan. Jemi edhe ne plqtë, unë e Lediani. Konkurrenca të rrit edhe në stërvitje. Jemi stërvitur dhe nuk jemi ankuar asnjëherë nëse nuk jemi tutullar. Nuk ka rëndësi sa minuta luajmë, duhet të dimë se po mbrojmë ngjyrat kuq e zi. Kombëtarja duhet të ecë përara, s’ka rëndësi kush luan. Kombëtarja të ndihmon, por nuk të çon te Reali apo Barcelona. Duhet të ndihmojmë çdo lojtar të ri apo të vjetër. Të flasim pozitivish, pavarësisht raportit. Duhet tu tregosh disiplinën dhe rëndësinë e këtyre ngjyrave.”