Lajmi se reperja e re Rina do të bashkëpunonte me një prej të paktave artiste të konsideruara diva të skenës sonë, Adelina Ismaili, na zuri të gjithëve të papërgatitur.
Ishte Rina ajo që publikoi në Instagram një foto me Adelinën të shkrepur në studion e Zzap and Chris, duke lënë të kuptohet se do të risjellin një këngë të hershme të Ismailit.
“Cila kong mundet me kon?”, pyeti Rina fansat.
Sot, Rina publikoi në Instagram-in e saj momente nga prapaskenat e xhirimeve të videos, që është vendosur në një skenografi ngjyrë rozë me të kuqe.
Rina shfaqet në këmbë, e veshur me sutjena dhe xhinse të shkurtra, taka rozë dhe syze.
Kurse Adelina Ismaili është vendosur në anën e djathtë, e veshur me të zeza dhe flokët e lëshuar, ulur në shkallë.
Pjesë e skenës janë edhe tre vajza të cilat, teksa Rina kërcen, supozohet të lëvizin. Megjithatë, ato nuk reagojnë dhe prandaj, dëgjohet Rina e cila u thotë: “Boni najsen moj!”
Rina shkruajti krahas videos në Instagram:
“Mezi po pres ta ndaj këtë me ju”.
Nga video, nuk dallohet se cila është kënga që kanë vendosur të risjellin, ndërsa nuk duket të jetë “Zemrën nuk ta fal” e famshme.