Kryeministri Edi Rama ka reaguar sërish sot për shembjen e Teatrit Kombëtar. Rama është pyetur nga qytetarët në Facebook, në lidhje me operacionin e Policisë së Shtetit për të shembur Teatrin Kombëtar, që sipas komentuesit nuk ka ndodhur në asnjë vend tjetër në botë kjo gjë.
Kreu i qeverisë, teksa i është përgjigjur shprehet se nuk është shembur Teatrit Kombëtar por një karakatinë dhe policë ishin aq sa duheshin për të kryer atë punë.
Qytetari: Një pyetje Z. Kryeministër! Keni parë ju ndonjëherë apo keni dëgjuar që në një vend tjetër të botës , Qeveria e një shteti ka rrënuar Teatër Kombëtar me ndihmën e 1500 policëve! Unë skam parë as skam dëgjuar!
Rama: Nuk kemi rrenuar teater kombetar po nje karakatine dhe nuk kane qene 1500 police po aq sa duheshin per te kryer pune!
Teatri Kombëtar u shemb një javë më parë, ku forca të shumta policie nxorrën me forcë e dhunë artistët e aktivistët që ishin brenda në godinë. Pas shembjes së godinës kanë shpërthyer edhe njëherë protestat dhe kërkohen rindërtimin e Teatrit Kombëtar aty ku ishte dhe si ishte më parë.