Komisioni Evropian kërkoi prej stafit të heqë aplikacionin nga telefonat personalë dhe tabletët të cilët janë pjesë e shërbimit mobil të Komisionit.
“Masa synon që të mbrojë Komisionin nga kërcënimet e sigurisë kibernetike, sulme kibernetike ndaj ambientit korporativ të Komisionit…Zhvillimet e sigurisë të platformave të tjera të medias sociale do të mbahen nën vëzhgim të vazhdueshëm”, tha EC.
Komisioni, i cili numëron rreth 32 mijë punonjës, kërkoi prej tyre që të fshijnë “TikTok” sa më parë të jetë e mundur dhe nga data 15 mars të jetë mbyllur si proces. Nëse punonjësit nuk zbatojnë masën e re, do të humbasin akses në aplikacionet përfshirë shërbimin e-mail të EC dhe Skype for Business.