Kompozitori i njohur Enver Shengjergji ka reaguar ashpër ndaj këngëtares shqiptare, Rovena Dilo, për një këngë që kjo e fundit ka kënduar dhe hedhur në youtube disa vite më parë. Bëhet fjalë për këngën ‘Nën kurorën e ullirit’.
Kompozitori i kthehet këngëtares, duke e pyetur ku e gjen kjo e fundit të drejtën për të risjellë dhe ndryshuar melodinë e këngës. Mes të tjerash ai thekson se këngëtarja nuk i ka marrë leje.
Postimi:
KJO ËSHTË E PATOLERUESHME SE SI MUND TE KËNDON KËNGA IME NËN KURORËN E ULLIRËT, KU E GJEN KËTË TË DREJTË
Megjithë respektin dhe konsideratën time ndaj jush si këngëtare me një karrierë të gjatë artistike, nuk mund të bësh me këngën time si të duash.
E para, ke marrë ta këndosh pa lejen time.
E dyta, një orkestracion që është jashtë çdo logjike të idesë së këngës.
Tjetra, kush të lejon të shtrembërosh vijën melodike të këngës.
Të shtosh maniera vokalike etj, etj.