Në konferencën e sotme me gazetarët, kreu i PD-së Sali Berisha tha se qeveria e gjendur përballë braktisjes nga populli, u detyrua të krijojnë shfaqje. Berisha i referohet koncertit që u mbajt dje në sheshin “Skënderbej” për 100-vjetorin e lidhjes së marrëdhënëvie diplomatike mes Shqipërisë dhe SHBA, si edhe për çeljen e negociatave të anëtarësimit të vendit në BE.
Pyetje: A ju kanë impresionuar numrat e PS dje në shesh?
Sali Berisha: Falenderoj mijëra punonjës dhe buxhetorë që braktisën dhe e shndërruan atë në një koncert funebër ku mbetën duke përqafuar njëri-tjetrin dhe u përpoqën si gaztorë të mbulonin braktisjen që iu bëri administrata në atë antimiting. Falenderoj mediat që përparësuan në të gjitha valët dhe ekranet e tyre takimin e njerëzve të lirë në Mirditë dhe anti-mitingun e Shtërmicës. Kishte një kontrast të jashtëzakonshëm.