Reperi i njohur shqiptar, Capital T, ditë më parë mbajti koncertin gjigant në vendlindjen e tij, Prishtinë. “Time Capsule II” erdhi pas dy vitesh organizimi në Tiranë, me pjesëmarrjen e shumë emrave të njohur të estradës në këtë koncert. Jo të gjithë e kishin besimin se koncerti në fjalë do të realizohej në të njëjtat përmasa sikurse në Tiranë.
“‘Time Capsule 1’ nuk përsëritet kurrë, Prishtina nuk e ka kapacitetin për të organizuar koncerte të përmasave të tilla, ai stadium nuk ka akustikë, nuk jep emocion. Tirana ka dy sheshe të mëdha për koncerte gjigante si dhe stadiumin dhe Pallatin e Kongreseve, në Tiranë po vijnë çdo vit nga ¾ yjet ndërkombëtarë duke bërë koncerte”, thuhej në komentin e ndjekësit.
Me të publikuar këtë koment, artisti shkroi në mbishkrimin e postimit: “Besoni te vetja dhe mbani afër njerëz që besojnë në ju. Këto komente veç ruani kështu si unë me ua provu që janë gabim këto krijesa”.
