Koncesioni i sterilizimit, Ilir Beqaj paraqitet në SPAK

Ish-ministri i Shëndetësisë, Ilir Beqaj është paraqitur këtë të hënë në SPAK për t’u njohur me masën e sigurisë ”detyrim paraqitjeje” dhe ”ndalim i daljes jashtë shtetit”, për çështjen e koncesionit të sterilizimit ku akuzohet për shpërdorim detyre. Seanca do të drejtohet nga gjyqtari i hetimeve paraprake, Erjon Bani pas kërkesës që është bërë nga vetë prokuroria e Posaçme. Beqaj do të merret edhe në pyetje, ndërsa në SPAK është paraqitur 30 minuta para, në orën 11:30, i shoqëruar nga avokatët e tij.