Kryeministri Edi Rama do të takojë ditën e sotme kancelaren gjermane Angela Merkel lidhur me Konferencën e Donatorëve që do të zhvillohet në datë 17 Shkurt në Bruksel. Lajmin e bëri të ditur vetë kreu i qeverisë, teksa postoi në rrjetet sociale nga avioni ku shkruante: “Për në Berlin për takimin me Kancelaren Merkel, enkas për Programin e Rindërtimit në vigjilje të Konferencës së Donatorëve, që do të mbahet në Bruksel më 17 shkurt”.
Fatura e dëmit, siç ka bërë më herët të ditur Rama është 1 mld euro, e megjithatë prutet bilanci përfundimatar të dalë në 4 shkurt, 13 ditë para Konferencës së donatorëve. Teksa prezantoi platformën online, Rama sqaroi se nuk pret që nga kjo konferencë të derdhen miliona apo që të mblidhet shuma që të mund t’i përballojë të gjitha dëmet, por një pjesë të rëndësishme do e mbulojë buxheti i shtetit.