Kryeministri Edi Rama po zhvillon konferencën e fundvitit me gazetarët ku po analizon mbylljen e 2018-ës në raport me treguesit e punësimit, zhvillimit ekonomik si dhe situatës politike në vend. Rama tha se papunësia në vend është ulur nga 18.2% në 12.4% duke prekur kështu uljen më historike të papunësisë.
Janë punësuar 34 mijë e 604 persona vetëm këtë vit. 262 mijë nuk janë 300 mijë për ata që thonë se ku janë 300 mijë punësimet, por këto janë shifrat ne kontributet e sigurimeve. Papunësia është ulur nga 18.2 në 12.4, ulja më historike e papunësisë, është fakt. Varfëria është më e ulët se 5 vjet më parë. BB konsideron rritjen ekonomike të Shqipërisë si më të lartën në rajon. Nuk dua të përcjell mesazhin që jam i kënaqur apo që ka ndodhur ndonjë mrekulli, por janë disa të vërteta të realitetit tonë, u shpreh Rama.