Këtë të mërkurë, kreu i Grupit Parlamentar të Partisë Socialiste, Taulant Balla priti në një takim deputetin e Bundestagut gjerman, Adis Ahmetoviç i cili është edhe raportuesi për Ballkanin Perëndimor.
Më fjalën e tij, Balla tha se nëse Parlamenti i Maqedonisë së Veriut miraton propozimin francez, javën e ardhshme mund të mbahet Konferenca e Parë Ndërqeveritare për të dyja vendet.
“Shpresojmë që gjatë kësaj jave do të gjendet ose do të plotësohet numri i duhur i mbështetjes në Parlamentin e Maqedonisë së Veriut, në mënyrë që javën e ardhshme, të hënën ose të martën, të jetë e mundur mbajtja e të dy konferencave ndër qeveritare, me Shqipërinë dhe me Maqedoninë e Veriut”, theksoi Balla.