Shumë nga artistët shqiptarë sonte janë mbledhur në një vend të përbashkët. Ish-konkurrentët e “Big Brother VIP Kosova” u mblodhën sonte për të rikujtuar edhe njëherë momentet që kanë kaluar në këtë spektakël.
Madje në fillim të “Post Big Brother VIP Kosova”, prezantuesja Liberta Spahiu e bëri të ditur se parashihet edhe organizimi i një edicioni tjetër të “Big Brother VIP Kosova”. Sipas saj ka edhe emra të njohur që tashmë veçse e kanë konfirmuar një pjesëmarrje aty.
Të pranishëm sonte në këtë organizim nuk janë disa prej emrave më të zhurmshëm të shtëpisë e që arritën thuajse në finale. Madje i pranishëm nuk është as vetë finalisti, Vedati. Aty mungon edhe Getinjo, Vivien, Andi, Gresa, Ana dhe disa të tjerë. Po ashtu u bë e ditur se Vedati ka pasur ftesën, por ai ka refuzuar që të vijë në studio.
Nuk dihet se pse të njëjtit vendosën që të mos jenë sonte të pranishëm aty ku po diskutohet pikërisht për ta dhe përkrahjen që patën gjatë qëndrimit në shtëpi.