COVID-19 ka prekur edhe gjykatën më të “brishtë” në Shqipëri.
Bëhet fjalë për Gjykatën e Lartë.
Tirananews mëson se anëtari i saj Ervin Pupe është prekur me COVID-19.
Puna nuk do të pezullohet, por do të bëhet menjëherë dezinfektimi i ambienteve të kësaj gjykate, ç’ka është marrë përsipër nga Ambasada amerikane në Tiranë. Kjo pasi ditën e hënë në ambientet e kësaj gjykate do të zhvillohet një takim mes përfaqësuesve të USAID dhe Gjykatës së Lartë në lidhje me përzgjedhjen e personelit shtesë që nevojitet në këtë gjykatë për shkak të mbingarkesës së volumit të dosjeve.