Dy vëllezër janë konfliktuar me njëri-tjetrin dhe sherri ka degjeneruar në përdorimin e armëve.
Ngjarja ka ndodhur këtë mbrëmje në Fier-Seman, Njësia Administrative Gradishtë, Bashkia Divjakë.
Dy vëllezërit Z.K dhe Sh.K janë konfliktuar me grushta dhe më pas Z.K ka qëlluar me armë ndaj vëllait.
Të shtënat nuk e kanë prekur Sh.K ndërkohë pasi ka gjuajtur me armë, Z.K është larguar në drejtim të paditur.
Policia në vendngjarje ka sekuestruar armën e gjahut tip karabinë dhe katër gëzhoja. Shënjestër është bërë një mjet i parkuar në anë të rrugës dhe tenda e një lavazhi.
Policia ka ndaluar për të sqaruar rrethanat Sh.K, ndërsa po pyeten edhe persona të tjerë që kanë parë ngjarjen si dhe vëllezërit që mund të kenë dijeni.