Pasditen e djeshme, shtëpia e “Big Brother VIP Albania 5” u trondit nga një përplasje e ashpër, ku Ilir Vrenozi shfaqi një nivel të lartë agresiviteti ndaj banorit të ri, Juxhin Plovishti.
Situata, e cila degjeneroi pa ndonjë shkak madhor konkret, desh përfundoi në përplasje fizike, nëse nuk do të ishte për ndërhyrjen e shpejtë të banorëve të tjerë që bllokuan Ilirin.
Ky shpërthim nervozizmi dhe tentativa për dhunë nuk pritet të kalojë pa pasoja nga ana e “Vëllait të Madh”.
Burime dhe diskutime të shumta në rrjet sugjerojnë se produksioni pritet të mbajë një qëndrim të prerë këtë të shtunë.
Të gjithë sytë janë drejtuar nga spektakli i së shtunës, ku do të jepet verdikti final për këtë incident që prishi ekuilibrat e shtëpisë në kohë rekord.