Konflikti për pronën vijon të mbetet shqetësuar në vendin tonë. Rasti i fundit është shënuar në fshatin Skorovot të Kolonjës ku babë e bir kanë goditur me sende të forta një person.
Sipas policisë, babë e bir janë grindur me I.M.., nga Kolonja por banues në Tiranë, për shkak të një prone. Ai ndodhet në spitalin e Korçës jashtë rrezikut për jetën.
NJOFTIMI I POLICISE
Specialistët e Seksionit për Krimet në Komisariatin e Policisë Kolonjë, bënë arrestimin në flagrancë të shtetasve:
A.M, dhe Gj.M, banues në fshatin Qinam, Kolonjë.
Arrestimi i tyre u bë pasi në fshatin Skorovot, këta shtetas në bashkëpunim me njëri-tjetrin, për motive pronësie, dyshohet se kanë goditur me sende të forta në trup shtetasin I.M, banues në Tiranë, i cili ndodhet në Spitalin e Korçës, jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.