Kryeministri Edi Rama, mëngjesin e kësaj të hëne e ka nisur me një thirrje për të marrë pjesë virtualisht në Kongresin e Parë të Shëndetësisë.
Përmes një postimi në Facebook, kreu i qeverisë thekson se ky forum do të shërbejë për të ndarë historitë e suksesit dhe debatuar sfidat e sistemit.
“MIRËMËNGJES dhe me ftesën për të ndjekur përmes mediave e rrjeteve sociale, Kongresin e Parë të Shëndetësisë, i cili mbahet në Tiranë e do të mbledhë së bashku ekspertë vendas e ndërkombëtarë, në një forum të përbashkët, për të ndarë historitë e suksesit, diskutuar përvojat dhe debatuar sfidat e sistemit shëndetësor, për një shërbim më cilësor e gjithëpërfshirës, ju uroj një javë të mbarë”,-shkruan Rama.