Luljeta e “Përputhen +40” ishte pasditen e sotme e ftuar në emisionin “Ftesë në pesë”, për të folur rreth këngës “S’ta jap”. Kënga ka bërë bujë në rrjet, për shkak të tekstit.
“Po të ishe e martuar, me nipër mbesa, a do ta bëje këtë këngë? Me këtë tekst?”, u pyet konkurrentja nga moderatorja Bieta Sulo. Ajo tha nëse do ishte e martuar me siguri burri nuk do ta linte të këndonte.
“Nipër dhe mbesa kam plot, po shyqyr Zotit i kam të shpërndarë, të rregulluar në Europë, në Amerikë. Ama nëse do isha e martuar, në rradhë të parë burri jo m’i priste këmbët, po m’i priste të tëra se një burrë shqiptar nuk të lë të veshësh as mini-fund, as të bësh plazh topless si e bëj unë, as të këndosh, as të kërcesh. Meshkujt shqiptarë, e them në përgjithësi, janë fanatikë. Nuk besoj se do dilja të këndoja po të isha e martuar, prandaj zgjodha këtë rrugë. Jo se kisha problem për burrë, por unë dua të jem e lirë”, tha ajo.