Me rastin e 71 vjetorit të ndarjes nga jeta të Tefta Tashko Koco, në qytetin e Korçës është zhvilluar një aktivitet përkujtimor.
Për herë të parë janë transmetuar 6 këngë të saj, të cilat prej dekadash konsideroheshin të humbura.
Këngët janë interpretuar dhe regjistruar nga artistja ne Milano ne vitin 1942. Këto disqe, materiale fotografike dhe dokumentare të saj u ekspozuan ne ambientet e Muzeut Kombëtar të Arsimit, ku shumë të pranishëm kanë treguar interes të veçantë për dëgjimin e këngëve të panjohura apo edhe për materialet qe u përcollën aty.
Këngët ‘Ishin 2 kunata’ apo ‘Ku do shkosh moj goce e vogël’ janë dy këngët nga 3 disqet e Tefta Tashko Kocos.
“Keto materiale janë një dëshmi me vlerë për historinë tonë kulturore”- thotë studiuesi i historisë, Niko Kotherja./Tirananews/