Vendimi i ministrit të Jashtëm, Gent Cakaj për heqjen e targave diplomatike për konsujt e nderit vijon të ngjallë reagime. Konsulli i Shqipërisë në Austri, Gjergj Leqejza deklaron se Cakaj nuk ka njohuri të mjaftueshme për mënyrën se si emërohen konsujt.
“Ajo që nuk arrij të kuptoj dhe nuk më rakordon me moshën e re të Cakaj dhe erudicionin aq shumë të publikuar të tij është mllefi dhe etiketimi i ‘Afaristeve’ si njerëz që abuzojnë me privilegjet e statusit të diplomatit si konsuj nderi. Përsa i përket paisjes me targa CD , Zoti Ministër në detyrë i ngarkon me të padrejtë barrën e moszbatimit të ligjit konsujve. Nuk ishte vendim i konsujve paisja me targë CD , por autorizim e miratim nga Ministria e Jashtme për paisje me targë CD dhe ushtrim i privilegjeve që Konventa e Vjenës i jep personave me legjimitet diplomatik”, deklaron ai në një njeagim për ‘Fax Neës’.
Leqejza është edhe kundër ultimatumit të vendosur nga Ministria e Jashtme, që u kërkon atyre dorëzimin e targave brenda një periudhe 15-ditore. Sipas tij, Cakaj barazon funksionin e një Konsulli Nderi me targën CD apo ndonjë privilegj tjetër, gjë e cila nuk është aspak e vërtetë.
“Edhe pse jemi në kushtet e mos zbatimit të një pike të VKM për ‘Protokollin e Shtetit’ përsa i përket përdorimit të targave CD nga konsujt e Nderit jo për faj të tyre , me habit nguti se për 15 ditë duhet të dorëzojnë një procesverbal nga Drejtoria e Trasportit që janë dorëzu targat CD, pa përcaktuar procedurat e sidomos pa garantuar që nuk preken ‘privilegjet’ që konventa e Vjenës i përcakton Konsujve të Nderit, dhe që mund të cënohen nga procesi që kërkohet. Për mendimin tim Z . Caka barazon funksionin e një Konsulli Nderi me targën CD apo ndonjë privilegj tjetër, gjë e cila nuk është aspak e vërtetë”, përfundon ai.