Në kuadër të masave të shtuara për luftën kundër futjes së sendeve të paligjshme në institucionet e vuajtjes së dënimit, Drejtoria e Përgjithshme e Burgjeve ka ushtruar një kontroll të befasishëm në disa prej burgjeve në vend.
Raportohet se gjatë këtij operacioni të befasishëm është ushtruar kontroll edhe në qelinë e Laert Haxhiut, i konsideruar si një prej emrave kyç të krimit të organizuar në vend. Haxhiu mbahet prej muajsh në burgun e Drenovës.
Gjatë kontrollit, atij i është gjetur një aparat celular, i cili dyshohet se mund të jetë përdorur për të komunikuar në mënyrë të paligjshme me elementë të tjerë jashtë burgut.