Lideri i Koresë së Veriut, Kim Jong-Un ka shprehur mbështetjen ndaj Rusisë, duke e portretizuar konfliktin në Ukrainë si një lëvizje për të mbrojtur sovranitetin e Rusisë.
“Populli i DPRK-së i jep mbështetje dhe solidaritet të plotë popullit rus në luftën e tij gjithëpërfshirëse për zbatimin e kauzës së shenjtë për të ruajtur të drejtat sovrane, zhvillimin dhe interesat e vendit të tyre kundër praktikave të larta dhe arbitrare të imperialistëve dhe për të realizuar drejtësinë ndërkombëtare. Në ditët e sotme, lufta e popullit rus kundër kërcënimeve dhe sfidave në rritje nga forcat armiqësore që po përpiqen të minojnë sovranitetin e vendit po kalon një fazë të re vendimtar. Drejtësia do të mbizotërojë gjithmonë dhe populli rus do të vazhdojë të lavdërojë historinë e fitores”, thuhet në mesazhin nga Kim.