Koronavirusi tashmë është një kërcënim botëror dhe emri i tij të shkakton frikë. Në Kinë ai i ka marr jetën mbi 1 mijë personave ndërkohë që vijon të përhapet me shpejtësi.
Por tashmë do të ketë një emër zyrtar dhe do të quhet Covid-19, dhe koronavirus do të mbetet një term popullor i përdorur nga mediat.
“Tashmë kemi një emër për sëmundjen dhe është Covid-19. Ishim të detyruar të gjenim një emër që nuk i referohej asnjë vendndodhjeje lokale, kafshe, grupi individual apo grupi njerëzish”,- u shpreh drejtuesi i Organizatës Botërore të Shëndetit, Tedros Adhanom Ghebreyesu. Covid vjen nga emri “corona”, “virus” dhe “disease” (sëmundje). Numri 19 përkon me vitin 2019, kur dhe u përhap virusi.