Këshilli i Lartë i Gjyqësorit ka urdhëruar pezullimin e punës në të gjitha gjykatat e vendit. Vendimi urgjent është marrë për shkak të frikës së përhapjes së koronavirusit ku deri tani numri i të prekurve ka shkuar në dhjetë.
Në vendim thuhet se KLGJ ka vendosur pezullimin e veprimtarisë dhe shërbimeve gjyqësore në të gjitha gjykatat e vendit, të juridiksionit të përgjithshëm dhe të posaçëm, për shkak të situatës së krijuar nga infeksioni i përhapur Covid-19.
Nga ky vendim përjashtohen seancat e vlerësimit të masave të sigurisë. Ndërkohë që në çdo rast kërkohet të shmanget prania e publikut në seancat gjyqësore. Bëhet fjalë për një periudhë dy javore.