Kosova feston këtë të premte të 17 shkurtit, 15-vjetorin e Pavarësisë. Në vitin 2008, Kuvendi i Kosovës shpalli shtetin më të ri në Europë, të pavarur, sovran dhe demokratik.
Një urim ka ardhur edhe nga kryeministri Edi Rama, i cili përmes një pikture me tematikë Kosovën dhe të ardhmen e saj me brezin e ri, ka uruar kështu për 15 vjetorin e Pavarësisë!
15-vjetori e gjen Kosovën sërish të trazuar politikisht. Marrëveshja që kërkohet të arrihet me Serbinë mbështetet nga Bashkimi Europian dhe Shtetet e Bashkuara, të cilat kërkojnë që Prishtina zyrtare të formojë sa më shpejt Asociacionin e Komunave Serbe, gjë që Albin Kurti e kundërshton.
