Sot pritet që të jetë një ditë e madhe për Kosovën. Në Komisionin Europian pritet të miratohen raportet e progresit për vendet aspiruese për të hyrë në BE. Në disa fusha raporti do jetë i ndryshëm për Kosovën, por tek liberalizimi i vizave Komisioni Europian i mbetet besnik qëndrimit të vitit 2018. KE-ja thotë se regjimi i vizave për shtetasit e kosovës duhet hequr dhe se kushtet janë përmbushur.
Ditën e djeshme deputeti ukrainas, Oleksiy Goncharenko, gjatë fjalimit të tij në Asmblenë e Këshillit të Europës, teksa tha në shqip “Kosova është Europë”, bëri thirrje që Kosova të njihet nga të gjitha shtetet e Këshillit të Europës.
“Kosova duhet të njihet nga të gjitha vendet e Këshillit të Evropës. Për momentin dymbëdhjetë vende nuk e kanë njohur atë. Ju drejtohem, ju lutem ta njihni këtë vend si shtet të pavarur siç ata luftuan për të ardhmen e tyre, për pavarësinë e tyre. Ata duhet të jenë këtu së bashku me ne. Ata duhet të jenë pjesë e Këshillit të Evropës. Vetëm kështu mund të jemi më të fortë dhe ky vend do të lulëzojë gjithashtu. Le ta mbështesim Ballkanin Perëndimor dhe Kosova është Europë”.