Gara për drejtimin e Prishtinës pritet të jetë më e ndjekura në balotazhin e zgjedhjeve lokale të kësaj të diele, 9 nëntor në Kosovë.
Kryeqyteti mbetet epiqendra e rivalitetit të gjatë mes Lidhjes Demokratike të Kosovës (LDK) dhe Lëvizjes Vetëvendosje (LVV), dy forca që kanë ndarë pushtetin dhe skenën politike për më shumë se një dekadë.
Në garën për raundin e dytë, përballë do të jenë Përparim Rama nga LDK dhe Hajrullah Çeku nga LVV, me një diferencë tepër të ngushtë nga raundi i parë, vetëm 0.5 për qind.