Instituti Kombëtar i Shëndetësisë Publike në Kosovë, ka regjistruar këtë të shtunën 292 raste të reja me koronavirus, pas testimit të 2,833 mostrave.
Në 24 orët e fundit, ky Institut ka regjistruar tri viktima të diagnostikuara me virusin COVID-19.
“Rastet e vdekjes janë nga komunat: Ferizaj 1 rast (84 vjeç), Gjilan 1 rast (75 vjeç) dhe Rahovec 1 rast (83 vjeç)”, ka njoftuar IKSHPK.
Në të njëjtën periudhë, këtë sëmundje e kanë mposhtur 556 persona, ndërsa raste aktive me koronavirus janë 6,470.
Prej 13 marsit të vitit të kaluar, autoritetet shëndetësore në Kosovë kanë regjistruar 65,982 persona të infektuar me koronavirus. Prej tyre 1,571 pacientë kanë vdekur.