Shqiptari Vedat Muriqi, sulmuesi i Mallorcas në La Liga është përzgjedhur në formacionin më të mirë të pesë ligave më të forta në Europë. Dardani shënoi dopietë në barazimin 3-3 të të tijve kundër Real Sociedad, duke shkuar në kuotën e 12 golave këtë sezon në ligën elitare spanjolle.
Me vlerësimin 9.0 në “WhoScored”, Muriqi ka një vlerësim më të lartë se Lionel Messi, duke qenë krah argjentinasit në sulmin me dy. Veç tyre, në formacionin më të mirë janë edhe Donnarumma, Gosens, de Ligt apo Pavard.
Bie në sy se pas paraqitjes së shkëlqyer të Crystal Palace në javën e fundit në Premier League, mesi i fushës i takon katër fubollistëve të Palace. Olise, Eze, Schlupp dhe Ayew janë mes më të mirëve për javën e fundit në ligat më të forta në Europë.