Sali Berisha thotë se aleati i tij Ilir Meta, është një politikan i lirë, që po bën qëndresë, për t’i sjellë të mira vendit dhe nuk po strehohet te Edi Rama për të marrë poste ministrore. I ftuar në emisionin “Të Paekspozuarit”, Berisha bëri një krahasim mes Metës dhe Enkelejd Alibeajt, për të cilin deklaroi se është “një peng i mjerë”.
Pjesë nga biseda:
Sali Berisha: Dallimi është si nata me ditën. Ilir Meta fakton që është politikan i lirë dhe gjithë këtë që i bëhet, sulmet, i bëhen sepse bëri koalicion me Sali Berishën dhe kjo përbën rrezik për të. Ndërsa ai (Enkelejd Alibeaj) është një peng i mjerë, që lexon ato që i çon zyra e Fugës, sepse nuk ka kulturë politike. Ilir Meta faktoi që është politikan i lirë. Ilir Meta mund të ishte sot, ju garantoj, në cilindo post ministror të Edi Ramës, por Meta qëndroi për ti bërë një të mirë vendit.
Enton Abilekaj: Ju thatë që Meta ka mbajtur qëndrim pro zgjedhjeve të lira. Por në 2001 ishte kryeministër në zgjedhjet më pak të lira, që ka patur Shqipëria. Keni thënë edhe në Bruksel, kisha 10 kandidatë, 9 intelektualë dhe një polic, polici fitoi intelektualët humbën.
Sali Berisha: Ato zgjedhje unë i përmbysa. Meta ka faktuar që është njeri i pavarur nga Edi Rama dhe nga Sali Berisha.
Ylli Rakipi: Po pra se herë ka kaluar me Ramën dhe herë me ty.
Sali Berisha: Jo, jo. Rama u përpoq të bënte gjithçka me Ilir Metën. Të ftuësh një ish spiun dhe të bësh lojë të tillë pas 32 vitesh, janë akte të turpshme. E gjeti veten sic është, njeri pa karakter. Shkoi ndryshoi ligjin për Ilir Metën, se tha eureka…
Lorenc Vangjeli: A nuk ju ngjan Berisha si Enver Hoxha, që të gjithë bashkëpunëtorët i dalin tradhtarë?
Sali Berisha: Kam shumë bashkëpunëtorë që kam një jetë të terë dhe jam mirënjohës. Ka edhe të tjerë, që i kap Edi Rama, si Lul Basha, apo ky tjetri që ka vëllanë një kriminel të rrezikshme.
Enton Abilekaj: Edhe Alibeaj tha që Rama është progressist në krahasim me Metën dhe Berishën.