Kremlini është i shqetësuar për rritjen e aktivitetit të forcave të NATO-s në Arktik, raporton agjencia ruse e lajmeve TASS, duke cituar ambasadorin rus Nikolai Korchunov.
Korchunov e përshkroi aktivitetin e fundit në rajon si një “shkak shqetësimi” dhe tha se “nuk kontribuoi në sigurinë e rajonit”.
Ai vazhdoi duke thënë se një aktivitet i tillë rrit rrezikun e “incidenteve të paqëllimshme”, të cilat, përveç rreziqeve të sigurisë, mund të shkaktojnë edhe dëme serioze në ekosistemin e Arktikut.
Korchunov nuk specifikoi se çfarë lloj incidenti mund t’i referohej, por komentet e tij vijnë disa javë pasi Finlanda dhe Suedia kryen stërvitje të kombinuara ushtarake të NATO-s.