Pas dënimit me 9 muaj burg, të konvertuar me 150 orë pune për kryebashkiakun e Kuçovës, Kreshnik Hajdari, vjen reagimi nga ish-rivali i tij në zgjedhjet bashkiake, Lefter Maliqi. Ky i fundit përmes një mesazhi në rrjetet sociale, tha se kryeministri Edi Rama duhet ta shkarkojë Hajdarin dhe Kuçova të kalojë për 45 ditë në zgjedhje të parakohshme. ”Beteja ligjore vazhdon, s’ka kthim pas deri në rikthimin e Bashkisë Kuçovë të grabitur më “14 Maj”, tek qytetarët. Kuçova nuk meriton Kryetar të dënuar dhe abuzues me detyrën”,-shkruan Maliqi.
Postimi i plotë
Lexo edhe :
Related Posts
Dënohet me 1 vit burg nga Gjykata e Posaçme e Krimit të Organizuar, e konvertuar me 150 orë pune të detyruar, duke e shpallur fajtor Hajdarin, ‘pengun’ e ish fatorinos Salillari. Kryeministri duhet ta shkarkojë në bazë të “Ligjit të Dekriminalizimit” dhe Kuçova të kalojë për 45 ditë në zgjedhje të parakohshme.
Hajdari do merret i pandehur edhe për 6 kallëzime të tjera; për korrupsion, abuzime me detyrën, falsifikim etj. Celibashi duhet të marrë vendim menjëherë për shkarkimin e tij, pas ketij dënimi, pasi u urdhërua edhe nga “KAS” dhe të njoftojë Presidentin e Republikës për shpalljen e datës së zgjedhjeve.
Hajdari i cili iku me vrap pas denimit, pasi ju shmang kamerave dhe mediave, sepse siç dihet është i paaftë dhe të jap doreheqjen vet pa pritur t’a shkarkojnë institucionet. Beteja ligjore vazhdon, s’ka kthim pas deri në rikthimin e Bashkisë Kuçovë të grabitur më “14 Maj”, tek qytetarët. Kuçova nuk meriton Kryetar të dënuar dhe abuzues me detyrën! Kuçova duhet të kthehet në “Kantier Ndërtimi”!