Kryetari i Partisë Republikane në Francë, Laurent Wauquiez kundërshtoi me forcë idenë e zgjerimit të Bashkimit Evropian.
“Emmanuel Macron është për zgjerimin e Evropës, ne jemi kundër”, tha kreu i republikanëve për France Info.
Ai ndaloi veçanërisht tek Shqipëria duke thënë se është një vend i mbytur nga korrupsioni dhe për këtë arsye nuk e meriton anëtarësimin.
“Presidenti i Republikës propozon hyrjen e Shqipërisë në BE.
Mendoj se është një gabim i madh. Është një shtet i mbytur nga korrupsioni.
Bisedimet me Shqipërinë do të hapen në qershor, ne do të kundërshtojmë dhe do vendosim veton ndaj Shqipërisë”, tha Laurent Wauquiez, kryetar i Partisë Republikane.
Sipas opozitarit francez, zgjerimi ka rezultuar një gabim i madh.
“Unë mendoj se zgjerimi ka qenë një nga faktorët kryesorë në dobësimin e Bashkimit Evropian dhe ne duhet të mësojmë prej këtij gabimi” përfundoi republikani Wauquiez.