Këtë të hënë në Komisionin Parlamentar të Sigurisë Kombëtare po zhvillohet një seancë dëgjimore me kreun e Shërbimit Informativ Shtetëror, në lidhje me sulmin kibernetik ndaj sistemit TIMS, dhe ndërprerjen e sistemeve kompjuterike qeveritare dhe pezullimin e shërbimeve online në muajin korrik 2022. Por kërkesa e kryetarit të Komisionit, Nasip Naço që komisioni të zhvillohej me dyer të mbyllura se kërkohet certifikatë sigurie, bëri që deputetët e opozitës, Noka dhe Xhaferri të thonin se ky është veprim si i një bande.
Debati në mbledhje
Nasip Naço: Do të kërkohet certifikatë sigurie për të gjithë ata që do të jenë të pranishëm në këtë raportim.
Ferdinand Xhaferri: Kuvendi nuk kufizohet me VKM. E kërkon Rama sepse e ka mbushur Kuvendin me kriminelë. Kjo është e pajustifikueshme.
Nasip Naço: Kushdo që do të rrijë brenda do të dorëzojë celularët.
Flamur Noka: Do t’i lëmë të gjitha, celularët, këpucët, çfarë të doni ju. Sot shqiptarët kanë dorëzuar në dorë të hakerave çdo të dhënë konfidenciale. Çështja për të cilën është thirrur kreu i ri i SHISH është shumë sensitive. Çështja nuk ka asnjë seret. Çdo e dhënë sekrete apo jo ndodhet në duart e hakerave iranianë, serbë edhe rusë. Dhe ju i thoni shqiptarëve që nuk kanë të drejtë t’i dinë këto.
Nasip Naço: E hedhim në votim. Kush nga deputetët do që kjo të jetë me duart të mbyllura. Miratohet.
Flamur Noka: Ju veproni si bandë.