Shpikja e re kundër koronavirusit vjen nga Anglia dhe ka të bëjë me një maskë, e aftë për të vrarë Sars-CoV-2, përgjegjës për virusin.

Lajmin e njofton shpikësi Gareth Cabe, shkencëtar i specializuar në nanoteknologji në Nottingham trent University.

Shpikësi, siç ka treguar për transmetuesin televiziv britanik Itv, ka shpjeguar se ka krijuar një maskë “të aftë për të eleminuar koronavirusin më shumë se 90%”.

Si funksionon maska që vret koronavirusin

I pajisur me një veshje që përfshin një shtresë të jashtme kundër ujit, pajisja është e aftë të pengojë marrjen e spërklave që transportojnë virusin.

Përveç kësaj, maska ka një veshje prej bakri që lëshon jone, të afta të vrasin virusin në kontakt.

Ideja ka lindur kur laboratori universitar në të cilin punonte Gareth Cave, si pasojë e pandemisë, është mbyllur dhe shumë shkencëtarë, janë gjendur me shumë kohë të lirë në dispozicion për projekte të reja.

Kur arrin dhe sa kushton maska që vret virusin

Prodhimi i maskave, sipas Cave, duhet të nisë në ditët e ardhshme dhe duhet të dalin në treg në dhjetor.

Çmimi i maskave të reja mund të sillet rreth 1 paund, pak më shumë se 1 euro sipas këmbimit të tanishëm. Pra pajisja e re do të kushtojë më shumë në krahasim me maskat kirurgjikale por do të ofrojë një mbrojte shtesë.

Shpikja, -ka përfunduar Cave, -do të jetë veçanërisht e dobishme për punonjësit që janë në punë në linjën e parë në luftën kundër koronavirusit.

PËRGJIGJU

Please enter your comment!
Please enter your name here